Zumalakarregi Museoan haurrei zuzendutako ibilbidea sortu dugu, museoa modu ludiko eta didaktikoan bisitatu dezaten.
Jarduera horien helburua parte hartzaileek Euskal Herriko XIX. mendeko kulturari eta tradizioei buruzko ezagutzak berenganatzea da eta kultur ondarearekiko sentsibilizazioa sorraraztea. Modu ludikoan eta esperimentazioaren bidez, historia gaurkotasunera ekarriz. Horregatik Zumalakarregi Haurrentzako Programa jorratu dugu azken urteetan:
Museoak "Zumalakarregi haurrentzako" familientzako programa eta hezkuntza programa aurkeztu du. Interesa duten pertsona guztiekin, adin goiztiarrekin zein adin handiekin, sorkuntza guneak partekatzeko bide berriak arakatuz.
Zumalakarregin adin goiztiarretatik hasita, ondarearekiko sentsibilizazioa eta errespetu guneak sortzea eragiten duten zenbait jardueren bitartez, bereziki familiekiko eta hezkuntza zentroekiko harremanean eta loturan lan egiten dugu. Hurbileko eta famili giroaren bitartez eta lengoai ezberdinen bitartez, txikitxoek beraien ondarea ikuskatzen ikasten dute, era berean ingurunearekin elkar eraginez, beraien jakin-mina eta sormena piztuz.
ANTOLATU ZURE FAMILIA BISITA:
Bisitatu Zumalakarregi Museoa, Haur ibilbidea erabiliz, eta egun pasa egin Goierri eskualdeko baliabide anitzen artean gustokoena aukeratuz.
· Ormaiztegiko tren-zubia bisitatu
· Txangoa familian. Mutiloa- Ormaiztegi Bide Berdea ibilbide zirkularra:
Familiartean egiteko ibilbide bat, Mutiloa eta Ormaiztegi arteko bide berdean dago. Orientazio jolas didaktiko bat dago bertan eta orientazio kirola, senderismoa eta dibertsioa nahasten ditu ibilbide honek. Zirkularra da eta “nordic walking” egiteko aproposa baita ere. Zure semeek eta zuk Ormaiztegiko Zumalakarregi museoan kokaturik dagoen turismo bulegoan jaso beharko duzue ibilbidearen mapa: ibilbidea osatzeko, bertan dauden 10 balizatan egiten diren galderak erantzun behar dira. Galderak natura, ingurunea eta meatzaritzarekin daude erlazionatuta.
· Inguruko baliabide turistikoak
Museoa Eusko Jaurlaritzak bultzatutako "Euskadi Turismo Familiar" produktu klubari atxikita dago
