Pianoa jotzenMusikagilea
Bilbon 1806an jaioa, musikaren inguruan igaro zuen bere bizia.
Musikagileak, oso gaztea zela, bere musikak jendaurrean sortzen zuen zirarra ikusteko aukera izan zuen. Hamasei urterekin Parisera doa, bere aita bezala, bere musika ikasketak osatzera. Bibolin ikasketak eta armoniarenak zabaldu zituen, hain maisuki ezen 18 urterekin irakasle jarri zuten bera ikasle zen akademian.
Parisa iritsitakoan hiru Cuarteto konposatu zituen, adituen ustetan oso onak, nazionalismo musikalaren aintzindari egiten dutenak, hala nola erromantikotasuna ere azaltzen dutenak, urte batzu geroago Schubertek egingo duenaren antzera. Azpimarragarria omen da hau, Haydn eta Mozart ezagutzen bazituen ere, Beethoven eta Schubert apenas entzuten omen zirelako Parisen.
Bilbon, kontzertu hauek ematen ziren hiru etxe, gutxienez ezagutzen dira: Torrres-Urquijo, Villabaso eta Mazarredorenak.
Garai hartan, Euskal Herri mailan, eliz musikak zuen pisurik handiena, katedraletan organu joleak kontzertu asko eskainiz. Arriagaren garaiko berrikuntzatzat hartzen dute pianoaren hedapena. Musika tresna berri hau, handia, delikatua, pribatua eta etxean jotzeko espazio berezia behar duena, protagonismoa hartzen ari zen burgesiaren ezaugarria zen. Aristokraziaren etxeetan ganbara kontzertuak eskaintzea ere ohikoa omen zen XIX. mende hasieran.
Musika lezioak jaso eta emateak, konposaketa lanak eta kontzertuak eskaintzeak suposatzen zuen lan eskergak Arriaga musikagilearen osasuna ahuldu zuten eta oso gazte hil zen Parisen 20 urte zuelarik.