Artxibo aktiboa — Museo Zumalakarregi Museoa

Eremu hontan Zumalakarregi Museoak azken urteetan burututako produktu digitalak aurki ditzakezu.

	Istorioak gaika. Gure web orriko atal berri honek hainbat urteetan blogean argitaratutako sarrerak irisgarriago egitea du helburu. Historiako pasarteak, bibliografia, ikonografia eta beste hainbat gaiei buruzko sarrerak eskuragarri ezarriko ditugu aurkibide xume baten bitartez.
	Proiektua. "Pour Don Carlos" (1921) filma, Espainian "La capitana Alegria" izenburuarekin estreinatua, da karlistaldien gaia lehen aldiz jorratu zuena. Hemen, honen inguruan antolatutako zenbait jarduera aurkezten ditugu.
	Oriamendiko gudua. 1837. Lehen Karlistaldiaren (1833-1839) testuinguruan Donostia inguruan gertatutako gertaera historiko honen aurkezpena, Félix Lichnowsky poloniar printzearen testigantzan oinarrituta.
	"Urgullen magalean" zabalduz:Euskal Herriko estanpak. Aldi baterako erakusketa oinarritzat hartuz, bertan aurki ditzakegun hainbat irudigileei buruzko informazioa zabaldu nahi dugu.
	"Leopoldina Rosa: gaur egungo istorioa bat" aldi baterako erakusketa. XIX. mendeko euskal emigrazioaz diharduen gertakizun historiko batetik abiatuta, egungo migrazio prozesuetaz hausnartzeko proiektua da.
	XIX. mendeko emakume esploratzaileak XIX. mendean europarrak mundua esploratzera jo zuten. Tartean hainbat emakume aurki ditzakegu. "Le Tour du Monde" aldizkarian topatu ditugun hauek aurkeztera gatoz.

	BERGARAKO besarkadaren aurrean; Keinua eta interpretazioa Baldomero Espartero eta Rafael Maroto jeneralek Bergaran elkarri emandako besarkadak amaitutzat eman zuen Euskal Herriko Lehenengo Karlistaldia. Erakusketa honetan, Espainiako tronua eskuratzeko xedez euskal lurraldeetan gertatutako gatazka haren inguruko interpretazio batzuk bilduko dira.

Zumalakarregi Museoaren 30. urteurrena. 30 begirada

ZM 30 (1989-2019) "30 begirada". Museoa 30 ikuspegitik berrikusteko gonbidapen bat da

Antequera Azpiri. Boinas Elosegui bilduma

TXAPELA XIX. mendean

“mappingalbum.net” elkarlanean egindako proiektu digitala da, non gure paisaien “ber-begirada” proposatzen duen XIX. mendeko grabatuen bitartez.

“mappingalbum.net“ Euskal Herria: Paisaiak aldatzen” proiektuan parte hartu. Animatu!

"Industria paisaia" proiektua. Ormaiztegiko iragan industrialaren memoria bilketa proiektua

"HÉLÈNE & BLANCHE FEILLET: Emakume margolari aitzindariak XIX. mendeko Euskal Herrian".

Hélène Feillet (1812-1889) eta Blanche Feillet (1815-1886) margolari eta ilustratzaileak, Parisen jaio baina, 1834.ean Baionan kokatu zirenetik, bere lan nagusia Euskal Herrian garatu zuten.

"San Luisen Ehun Mila Semeak". 1823. Kontakizun historikoa.

Inbaditzaile frantsesen (San Luisen Ehun Mila Semeak) ikonografia heroikoa da, ez zaie irainik egiten eta ez dira barregarri uzten. Angulemako dukearekin batera espedizioan joan ziren artisten testigantza grafiko eta inprimituen bidez egina: Victor Adam, L.F. Couché, Desplans, Salneuve, Le Camus, I.J.S. Taylor eta Clerjon de Champagny, besteak beste.

Afrikako gerra (1859-1860)

Bertan karlista eta liberalek batuta hartuko dute parte, aurretik zein ondoren gerra zibiletan aurrez aurre borrokatuko diren arren. Euskal Diputazioek “Tertzio Foralak” sortu zituzten, mairuaren aurkako borrakara 3000 bolondres bidaliz.

XIX. MENDEKO albuma. Euskal Herriari buruzko 4.000 irudi eskaintzen dituen Kultur weba.

XIX. mendeko historia militarra Euskal Herrian. Lehenengo Karlistadan gertatutako borrokei buruzko ikuspegia eskaintzen du. Hiru gai nagusien inguruan antolatuta dago: armada sailak, bataila nagusiak eta protagonisten biografiak.

"Euskal emakumea XIX. mendeko irudigileen ikuspegitik" irudi bilduma. Garaiko irudigileen begietan nola agertzen zaigun Euskal emakumearen erretratua. Bidaiariek honela ikusi zituzten; lanean, gatazka eta borrokan, merkatuetan, elizaren bidea hautatu dutenak, festetan, tradizioa eta berrikuntzak nahastuz, emakumeen ikuspegitik. Garaiko testu batzuk.

"Basque Sketches: Ilustratzaile militar britainiarrak lehen karlistaldian" Erakusketa birtuala. Britainiar militar batzuek beren lekukotza utzi ziguten akuarelen eta litografien bidez, paisaiak eta eguneroko bizitzako gorabeherak irudiztatu baitzituzten, gerrako bizipenez gain.

Wilhen von Humboldt (1767-1835). 1801an Euskaldunen herrian barrena egindako ibilbidea. Euskaldunei eta beraien jarduera ekonomiko, jantzi, dantza eta hizkuntzari eta baita herriei buruz idatzi zuena.

Begiratu... ikusi...eta AURKITU. Inspirazioa ala plagioa XIX. mendeko ilustrazioetan. Gure helburua, egileek bata bestearen lanak nola kopiatzen zituzten erakutsi eta grabatuei buruzko zenbait bitxikeri ezagutaraztea izan da.

XIX. mendeko pertsonaia "xumeak". Historiaren protagonista “txikien” bizitzak ezagutzera ematen dugu, hala nola, bandolero, gerrilero, kortsario, poeta eta gure inguru geografikoko pertsonai herrikoiak.