1870etik aurrera, aurrerapen teknikoei esker, tamaina handiko irudiak eman ahal izan ziren argitara, koloretan eta prezioz modu onean. Baina batez ere, adierazpen-askatasuna izan zen horren sustatzaile nagusia, nahiz eta artean eragozpen asko jasan behar izan zituen: alde batetik, umoreari esker, errazago saihesten ziren zentsuraren guraizeak, hauek ez baitziren hain zorrotzak umorearekin; bestetik, artean urruti zegoenez normalizazio polikoa, gero eta biziagoak ziren sistemaren eta gobernuen aurkako kritikak.
Alderdi eta joera politiko eta sozialak ugari ziren eta bakoitzak bere bilakaera izan zuen; argitalpenak tirada txikikoak ziren eta esparru geografiko urrikoak, eta izenez ere sarri aldatzen ziren zentsurari ihes egiteko. Ondorioz, ehunka aldizkari sortu eta desagertu zen. Batzuek zenbaki bakarra eman zuten argitara; beste asko urtetan bizi izan ziren izen desberdinekin; batzuk beste batzuen ondorioz edota beste batzuen aurka sortu ziren...edonola ere, piloa!
Sarritan, izenburuek eta azpitituluek oso ondo adierazten dituzte beren asmoak eta estiloa.
| BARCELONA La Mosca La Marsellesa El Pájaro azul El Gallo El tiburon El tupé La vívora El busilis La campana de gracia La bomba El charlatán La flaca La porra La Semana en San Sebastián Robinson La esquella de Torratxa La calabera La cigala El loro La carcajada MADRID Fray Gerundio Arlequín El pájaro verde El burro El Rompe-cabezas El motín El cascabel La avispa Gil Blas El caimán Aventuras de pichichi Letras y cuernos Jeremías El trueno Don Quijote La caricatura La Gorda El coco El cobete El caballero de gracia El matute La carcajada La retaguardia Chorizos y Polacos El último mono LOGROÑO La Jota VALLADOLID El alacrán VITORIA-GASTEIZ El danzarín |
 |