Ostiralean Irati Otamendi Irizar arkitektuak hitzaldia eskainiko du
2016/03/14
"Made In Ormaiztegi: Garapen Industrialaren Eredu Bat" aldi baterako erakusketari lotuta, ostiral honetan, martxoak 18, 19:00etan hitzaldia eskainiko du Irati Otamendi Irizar arkitektuak: "Industrializazioa: atzo garapen, gaur ondare, bihar...?"
Irati Otamendi beasaindarra, doktoradutza amaierako tesia idazten ari da Oria ibai-arroko arkitektura ondare industrialaren inguruan. Gai honi lotuta eta Ormaiztegiren berezitasunak kontuan hartuta, Ormaiztegiren garapen industriala nolakoa izan zen eta honen ondorioak nolakoak izan diren azalduko digu ostiral honetan.
Noiz: Martxoak 18, 19:00etan.
Non: Ormaiztegiko udaletxepeko aretoan.
Nork: Irati Otamendi Irizar arkitektuak
Hitzaldiaren izenburua: "Industrializazioa: atzo garapen, gaur ondare, bihar...?".
Hizkuntza: Euskaraz.
Sarrera: Doan izango da eta ez da aurrez izenik eman beharrik egongo.