Ormaiztegiko trenzubiaren urteurrena

Alexander Lavalley ingeniariak diseinatutako trenzubia 1864ko abuztuaren 15ean inauguratu zen Ormaiztegin.

1936en piztu zen Gerra Zibilaren ondorioz, trenzubia suntsitu zen tropa frankisten ibilbidea oztopatzeko asmoz. 

Trenzubia berreraiki zen eta 1937an berreinauguratu zen oinarri berriak gehituz. 

Edonork ezin du trenzubia ikusmenaren bidez ezagutu. Horregatik, Zumalakarregi museoak proiektu bat garatzea proposatu zuen non trenzubiaren ezagutza publiko anitzagoarentzat irisgarria izan zedin.

Irisgarritasun plana garatzen jarraituz, Museoak Ordiziako Goierri Eskola eta Ormaiztegiko udalarekin elkarlanean trenzubiaren maketa irisgarria gauzatzeko akordioa sinatu zuen 2021ean. Goierri eskolako Fabrikazio mekanikoko diseinuko goi mailako ikasleek Ormaiztegiko trenzubiaren maketa 3Dn (1/100) egin zuten pasa den ikasturtean trenzubiak dituen ezaugarriak ukitu ahal izateko. Proiektu irisgarri honek Begiris elkartea-ren aholkularitzan izan du.

Maketa irisgarria museoko modulu batean ikus daiteke. Bertan trenzubiaren eta moduluaren informazioa Braillen topatu dezakezu. Audiodeskribapena gehitzeaz gain (QR kodeen bidez lau hizkuntzatan eskura daitezke), informazio historikoa bi hizkuntzatan ere kontsulta daiteke Irakurketa errazean, eta, horrela, pertsona guztiek errazago uler dezakete haren historia.