"Ombuaren itzala" filma Ormaiztegin.
2025/01/23
Datorren ostiralean, urtarrilak 24, auzolanean egindako "Ombuaren itzala" filma Zumalakarregi Museoan ikusteko aukera izango duzue. Pello Mari Otaño bertsolariaren memoria berreskuratu nahi duen filma bere zuzendari eta bultzatzaile nagusia izan den Patxi Bisquert zinegileak aurkeztuko du Ormaiztegin.
Duela lau urte aurkeztu genuen Patxi Bisquert aktorearekin Pello Mari Otañori buruzko zinema proiektu hau Zumalakarregi Museoan.
Proiektuaren aurkezpena 2021ean.
Filma egitearen proiektua auzolanean burutu da lotura honetan ikus dezakezuenez.
Zumalakarregi Museoak ere bere ekarpena egin zuen, izan ere, Pello Mari Otañoren bizitzak gure ikasgaien helburuak bikain betetzen baititu, alegia, XIX. mendeko gizartearen azterketa, euskal emigrazioa, bertsolaritza eta garaiko euskal kultura.
Orain, urtarrilak 24, arratsaldeko zazpiretan, Zumalakarregi Museoan, auzolanean egindako filma ikusteko aukera dugu, gainera Patxi Bisquert zuzendariaren aurkezpenarekin.
Ez ezazue galdu!