Martxoaren 8ko egitaraua

Zumalakarregi museoak Ormaiztegiko udalarekin elkarlanean hainbat ekimen antolatu ditugu, aurten jarduera berezi bat gehituz martxoko herriko egitaraua osatuz.

Museoak eta Udalak, Ormaiztegiko Emakume Sarearekin elkarlanean, emakumeen arteko topaketa berezi bat antolatu genuen pasa den martxoaren 1ean ospatzeko.

Hizketaldia pikoteoarekin herriko Gizarte etxean izan zen eta Zumalakarregi museoak dinamizatu zuen. 

Emakumeak topaketan

Bertan Ormaiztegiko emakume batzuek parte hartu zuten haien bizipenak eta iritziak elkarbanatuz.

Jatorri ezberdin eta adin ezberdineko emakumeak bertara hurbildu ziren eta hainbat arlotan izandako esperientziei buruz hitz egin zuten, beren bizitzetan lehentasuna izan duten esparruei buruz eta emakume izateagatik bizi izan dituzten zailtasun eta oztopoei buruz.

Adinarteko topaketa

Martxoaren 8an berriz, Zumalakarregi museoaren “Elkar ezagutuz/Nos conocemos tomando un té” ohikoa den jarduera ere izan genuen. 

Aurtengo martxoaren 8ko "Elkar ezagutuz"

Kulturarteko eta adinarteko topaketa honetan Museoak XIX. mendetik gaur egunera arte emakumearen ikusmoldeak izan duen bilakaerari buruzko solasaldia dinamizatu zuen.

Solasean

Aurten herriko martxoaren egitarauan jarduera berezi bat gehitu dugu Ormaiztegiko Udalak eta Zumalakarregi museoak. Martxoaren 10erako Berdintasunaren aldeko Escape-Room-a antolatu genuen museoan bertan ospatzeko Tramankulurekin.

Jarduera burutu ahal izateko museoko hainbat gela egokitu eta apaindu behar izan genituen historia garaikidean garrantzitsua izan diren emakumeak aipatuz.

Askotariko taldeak hurbildu ziren museora: Familiak umeekin eta adin ezberdinetako lagun taldeak.

Jardueraren edukiera ordubete baino gutxiagoan bete zen eta jendea gustora ibili zela jakinarazi zuen.  

Ihes-gelan parte hartu zuten taldeetako batzuk Tramankulu-ko dinamizatzailearekin

Martxoaren 8ko programazioarekin amaitzeko, Zumalakarregi Museoak Familia tailerra ospatu genuen pasa den martxoaren 16an.

Haurrak museoan dauden emakumeak ezagutzen

Museoaren martxoako egitarauari amaiera emateko "Emakumeak Zumalakarregi Museoan" izeneko Familia tailerra antolatu genuen. Bertan Zumalakarregi museoan ikusgai dauden emakumeak eta XIX. mendean garrantzia izan zituzten emakumeak ikasi genituen ibilbide didaktiko baten bitartez.

Ibilbide didaktikoa egiten