II. Munduko sukaldeak

Migrazioak proiektuaren barnean 2019an martxan jarri zen proiektu sozialarekin jarraituz, Munduko sukaldeak jardueraren bigarren edizioa ospatu dugu. Igande honetan ospatu dugun kurtso topaketa honetan nazionalitate ezberdinetako sukaldeak ezagutu ahal izan genituen. 

Ormaiztegiko Barduliarrak elkartean 11:00etan eman genion hasiera jarduerari. Giro eder eta lagunkoian lehen platerak prestatzeari ekin genion, sukaldeko su guztiak eta hainbat labe ere erabiliaz. Fatiha, marrokiarrak, aran eta haragizko tajina egiteko bere jakinduria elkarbanatu zuen parte hartzaileekin. 

Plater eder honen osagai eta espezie ugariren zein prestaketak duen lanaren arreta osoa eskuratu zuen sukaldariak. 

Jarraian, Zahrak, marrokiarra baita, arrai -dorada kasu honetan- tajina prestatu zuen garaiko barazki ugarirekin. 

Yenny, bolibiarrak, salteña eder batzuen prestaketa aurkeztu zigun. Bolibiako enpanada tipiko hauek, oilasko haragiz, barazki eta espeziez beteak izaten dira.   

Ikastaro topaketa honen hirugarren zatia, Orbelak aurkeztu zigun, jatorri portugaldarra duen postre tipiko batekin: natazko pasteltxoak edo “Pasteís de Belém”. 

Ordubatak eta erdi aldera, aurreikusia zegoen moduan, sukaldatutako plater zoragarri hauek dastaketari hasiera eman genion. Kultura, jakintza eta mahaia elkarbanatzeko aukera paregabea izan genuen jardunaldia.