Artxibo praktikak

1989an ireki zenetik, Zumalakarregi Museoak begirada eta istorio berriak sartu ditu haren diskurtsoan eta narratiban, gizartearen eskaeretara egokitzeko helburuarekin.

Museoak martxan jarri duen azken proiektua, ordura arte isilaraziak izan diren istorioak ezagutzeko eta ikusarazteko kezka horri erantzunez, "Artxibo praktikak" da.

Orduan, "Artxibo praktikak" kultura garaikideari lotutako pertsonen begirada eta hauek sortutako ibilbideen bitartez museoko artxiboaren irakurketa berriak proposatzen dituen proiektua da. Guzti hau museoaren fondoen berrinterpretazio kritikora gonbidatzen gaituzten hausnarketa, artikulazio eta esanahi berriak eragiteko.

Zumalakarregi museoko artxiboaren irudia

Lehenengo begirada Pedro G. Romero artistarena izan da. 1997an hasi zen Pedro eta Zumalakarregi museoaren arteko harreamana eta 2024an, museoko artxiboa ikertzen zegoela, Espainiako arte plastikoen sari nagusia eman zioten.

Pedro G. Romero Zumalakarregi museoko artxiboan

Pedrok pasa den urtean egindako lanaren emaitza "Scénario. ZORRAren Z" erakusketan jaso zen museoan bertan ikusgai jartzeko.

Pedro G. Romero erakusketaren azkeneko prestaketak egiten Lurdes Azpiazu, museoko koordinatzailearekin, eta Mikel Alberdi, museoko artxibo arduradunarekin

Artxibo praktikak proiektu honen lehen edizioaren emaitza pasa den 2025eko otsailaren 21ean inauguratu genuen.

Pedro G. Romero artista "Scénario. ZORRAren Z" erakusketan, Artxibo praktikak proiekatua inauguratuz

Erakusketan, XIX. mendeko narratibatik baztertuak izan ziren hainbat kolektibo berreskuratu ditu Pedrok. Erakusketan zehar, artista andaluziarrak XIX. mendean grabatuetan eta argitaratutako dokumentuetan kolektibo ezberdinak nola irudikatu diren hausnartzen du, Artxibo praktikak proiektuaren helburu nagusia jarraituz.

Zumalakarregi museoko artxiboaren dokumentuak eta irudiak ikusgai erakusketan bertan

Ikerketa horren ondoren, Pedrok ondorioztatzen du zor historikoa eta ekonomikoa dugula flamenkoaren kontzeptuarekin lotutako giza taldeekin.

Artxibo praktikak proiektuaren bigarren edizioarako Maialen Lujanbio bertsolaria gonbidatu dugu eta hirugarren ediziorako, berriz, Xabier Erkizia ikerlaria.

Honela, orain arte izan dugun begirada historikoaz gain, arlo ezberdinetako begiradek gure museoko diskurtsoa eta narratiba ere elikatuko dute.