Museoen Nazioarteko Eguna 2018
Zumalakarregi Museoak, maiatzak 18, 19 eta 20an ospatuko du Museoen Nazioarteko Eguna, aurtengo leloari jarraituz, “Museo hiperkonektatuta: ikuspuntu berriak. Ikuslego berriak”.
IX. Bide Berde Eguna: Mutiloa - Ormaiztegi
Giro paregabea izan genuen IX. Bide Berde Eguna: Mutiloa - Ormaiztegi ospatzeko antolatutako "Bide Berdetik mahaira" izeneko ibilaldi gidatuan eta ondoren egindako tailer gastronomikoan.
"Nik ere txapela maite dut. Boinas Elosegi 1858-2018"
Tolosako Aranburu Jauregian "Nik ere txapela maite dut. Boinas Elosegi 1858-2018" erakusketa zabalik dago. Boinas Elosegui enpresaren 160. urteurrena betetzen den honetan, lantegiaren historia eta txapelgintzaren prozesua erakusteko antolatu da. Zumalakarregi Museoak bere ekarpena izan du txapelaren erabilera euskaldunen artean zabaldu zen garaiari buruz, XIX. mendea alegia.
Etorri Museora Familian!
Zumalakarregi Museoak foileto didaktiko bat sortu du museoa bisitatzen duten familientzat, Zumalakarregi Familian! programaren barnean. XIX. mendeko ohitura desberdinak ezagutzeko modu dibertigarri eta atsegina.
Ikerketa lan berri bat gurean
"La leyenda negra del primer carlista: el general Jorge Bessières el 20 de mayo de 1823" izenburupean Roman Garrido museoaren lagunak Espainiako historiaren pertsonai berezi eta eskas ezagutu honi buruzko ikerlana dakarkigu. Bestalde, Zumalakarregi Museoaren hainbat argitalpen ere jarri ditugu sarean, interesatu ororen eskura.
Martxoak 8
Nazioarteko Emakumeen Eguna dela eta antolatutako grebarekin bat eginez, martxoak 8, 18.00etatik 19.00etara Zumalakarregi Museoa itxita egongo da.
Zumalakarregi Museoa Kontzertu Ekonomikoei buruzko dokumentalean
Bihar, otsailak 28, Arriaga antzokian eta etzi ETB 2n aurkeztuko den Kontzertu Ekonomikoei buruzko dokumentalean parte hartu du Zumalakarregi Museoak.
XIX. mendeko euskal aisialdiari buruzko hitzaldia
Mikel Alberdi, Zumalakarregi Museoaren artxibo eta dokumentazioaren arduradunak, "Iztuetatik Mañé y Flaquereraino, XIX. mendeko euskal aisiari begirada" hitzaldia eskaini zuen Donostiako Koldo Mitxelena Kulturunean "Dantzan ikasi" programaren baitan. Egitasmoa, dantza tradizionalaren irakaskuntzan laguntzeko Gipuzkoako Foru Aldundiaren Kultura eta Euskara Departamentuak martxan jarritakoa da eta Dantzan.eus elkarteak kudeatze teknikoa egiten duena.
Zorionak Handia!!!
Handia filmak Goya sarietan izandako arrakastak euskal kulturaren eragileen artean poza zabaldu du. Zumalakarregi Museoak izan zuen bere parte hartzea, egileak gidoia prestatzen ari zirenean. Beraz, gure partaidetza xumea izan bazen ere, filmak jasotako onarpenaren zatitxo bat gure egiten dugu.
Gure lagunen dohaintzak jasotzen jarraitzen dugu
Joan zen udan Zumalakarregi Museoan azken urteetako dohaintzekin osatu genuen erakusketa. Oraingoan geroztik jasotakoen berri ematera gatoz.
Familientzako tailer berriekin hasiko dugu urtea
Zumalakarregi Familian programarekin aurrera jarraitzen dugu, hilabeteko bi larunbatetan familientzako tailer hezigarriak antolatuz.
Oraindik “Euskal Herria: Paisaiak aldatzen” erakusketa ikusteko aukera daukazu
“Euskal Herria: Paisaiak aldatzen” erakusketa ikusteko epea luzatu egin da.
Gabonetako Tailerrek oso harrera ona eduki dute
Aurreko ostiralean bukatu ziren Zumalakarregi Museoak 6 urtetik gorako haurrentzako antolatu zituen Gabonetako Tailerrak, oso harrera ona edukiz, izan ere, tailer guztietan gehienezko pertsona kopurua bete zen.
Gabonetako tailerrak 2017
Urtero bezala Zumalakarregi Museoak gabonetako tailerrak antolatu ditu Familientzat
"Euskal Herria: paisaiak aldatzen" erakusketa ikusteko azken egunak
Urtarrilak 7 arte ikusgai
Italiarrak Lehenengo Karlistadan
Argitara berri dugu Museoaren kolaboratzailea den Román Garridoren ikerketa lan berri bat. “Piamonteses y Genoveses en la primera guerra Carlista. El regimiento de Cazadores de Oporto” izenburupean, orain arte oso gutxi tratatua izan den gaia ekarri du gurera, karlisten aurka borrokatu zuten hainbat gudari italiarrei buruzkoa.
Azarotik otsailera, museoa neguko ordutegian irekiko dugu
Azaroak 1etik otsailaren 28ra arte museoa neguko ordutegian irekiko dugu. Gogoratu azaroaren 1a jaieguna dela, beraz, arratsaldez ere zabalik egongo da.
"Euskal Herria: Paisaiak aldatzen" erakusketa zabaltzen dugu ostiralean, urriak 6.
"Paisaia bizia, paisaien eraikuntza" Ondarearen Europako Jardunaldien barruan antolatu dugun erakusketa hau, “mappingalbum.net” proiektua beraien argazkiekin elikatzeko ahalegina egin duten pertsonen elkarlan prozesuaren emaitza da. Gure proiektu digital berrian parte hartu duten lagunen lanak XIX. mendeko irudiekin parekatu ditugu, garaiko hainbat bidaiarien testu eta grabatu originalak gehituz.
Ireki dugu "mapping album" proiektuan parte hartzeko ARGAZKI LEHIAKETA
Atzo eta gaurko euskal paisaia parekatzen duen "mapping album" elkarlanean egindako proiektu digitalari hasiera emateko, Zumalakarregi Museoak argazki lehiaketa berezia antolatu du. Izan ere, "XIX. mendeko albuma" webgunean jatorri duten irudiak oinarritzat hartuz, parte hartzaileei ikuspegi bereko egungo argazkia egitea proposatzen diegu. Gainera hautatuko ditugun argazkiak "mapping album" proiektuan argitaratzeaz gain, museoan urrian egingo den erakusketan parte hartzeko aukera izango dute.