“Leopoldina Rosa” aldi baterako erakusketa sarean

“Leopoldina Rosa: Gaur egungo istorio bat” erakusketak XIX. mendeko euskal emigrazioa du oinarri. Egungo migrazio fenomenoa uztartu diogu, honela hausnarketarako aukera bat eskainiz.

Erakusketa hau Zumalakarregi Museoaren ekimen zabalago batean kokatu behar dugu: Migrazioak proiektua. Proiektu honek hiru adar ditu. Aldi baterako erakusketa bera, hezkuntza proiektua eta gizarte proiektua. Ekimen osoaren berri jasotzeko:  Zumalab.

Gizarte proiektuaren ekimenetako bat.

Covid 19 izurriteak izugarri baldintzatu arren erakusketak bere ibilbidea izan zuen. Lehenik Donostiako Euskal Itsas Museoan, ostean Bilboko Itsasmuseumen.

Erakusketa Donostiako Euskal Itsas Museoan.

Erakusketaren sorreran Alberto Irigoyen  euskal historiagile uruguaiarrak izugarri lagundu zigun, Montevideoko Museo Historico Nacional de Uruguayren lankidetza bikain bideratuz.

Erakusketaren ikuspegi bat.

Hainbat euskal erakundeen laguntza ere izan genuen , besteak beste,  Ikuspegi  Euskal Immigrazioaren Behatokia izan zen egungo fenomenoa aztertzerakoan gure euskarria.

XIX eta XXI mendeen arteko ispilua.

Baionako Archives départementales des Pyrénées-Atlantiques erakundeak ere lagundu zigun erakusketa honetan, euskal kostaldearen mapa zoragarri hau utziz.

"Carte particulière des côtes de France : partie comprise entre Bayonne et la côte d’Espagne". 1829. Archives départementales des Pyrénées-Atlantiques. Pôle de Bayonne et du Pays Basque.

Beraz, eskura duzue  “Leopoldina Rosa: Gaur egungo istorio bat” erakusketaren bertsio digitala.