Udalekuen arteko txapelketa 2013
Ormaiztegiko Zumalakarregi Museoak Goierri, Urola Garaia eta Tolosaldeako udaleku taldeentzako honako eskaintza prestatu du.
Uztaileko lehen zein bigarren hamabostaldian haur eta gazte askok udalekuetan parte hartu ohi dute. Honakoa da Zumalakarregi Museoak museoa modu desberdin eta ludiko batean ezagutzeko eskaintzen duen proposamen bat:
- Udalekuen arteko Txapelketa 2013. Goierri, Urola Garaia eta Tolosaldeako udalekuentzako eskaintza. Gaztetxoek; bizi diren eskualdea, bertako kultur txokoak, eta XIX.mendean Euskal Herria ezagutu zuten bidaiariak ezagutzeko aukera izango dute txapelketa honen bitartez. Jarduera honek, etxetik hurbil dugun ondarearekiko sentsibilizazioa lortu, talde lana bultzatu eta gaztetxoei primeran pasatzeko aukera eskaintzea ditu helburu.
